„СпортСпорт“ во Копенхаген, Огнен Чак Дојчиновски
Експедицијата на нашата А-репрезентација, во која беа и дел од раководството на ФФМ, како и претставници на медиумите по тричасовен пријатен лет, пред малку пристигна на аеродромот во Копенхаген.
Летот од Скопје до главниот град на Данска како брзо да мина. Атмосферата е добра, мислите се победнички, се разбира дека кога се игра за Македонија секогаш мора така да биде.
Инаку по приститнувањето во Копенхаген, нашите фудбалери веднаш ќе бидат сместени во својата база во еден од хотелите во тој град.
Утре ги чека и вообичаен тренинг на “Паркен“ стадионот каде ќе се игра историскиот бараж меч за пласман на СП 2026.
Познато е дека натпреварот се игра в четврток со почеток од 20:45 часот.
Јасно е дека Македонија оди на победа. Данска е фаворит, но ние знаеме како треба на вакви баражи. Како што беше во Палермо, нека биде така и во Копенхаген.
