Бура ја погоди Хрватска. Поради снегот и зимските услови за возење, воведени се ограничувања, голем број дрвја се паднати на сите страни, како и покриви низ населбите во Загреб.
Кровот на кошаркарскиот центар „Дражен Петровиќ“ е исто така оштетен. Куполата е пукната, делови паднале на подот и сега протекува. Салата е затворена додека не се санира штетата. КК Цибона издаде официјално соопштение во кое потврдува дека нема да може да ја користи салата до понатамошно известување.
„Драги навивачи на Цибона. Како што веројатно веќе знаете, бурата што го погоди нашиот Загреб не го поштеди ниту домот на Дражен. Нашата сала претрпе значителни штети, најмногу на покривот и куполната конструкција, поради што вратите на салата ќе останат затворени до понатамошно известување.
Иако оваа вест нè изненади, се потсетуваме дека Цибона никогаш не била само зграда. Цибона сте вие, вашата поддршка и дух кој не се откажува лесно. Правиме сè за да обезбедиме најдобри услови за нашите играчи и вас.
Наскоро ќе објавиме информации за новите локации на натпреварите, а дотогаш ни требате со нас погласно од кога било. Без разлика каде играме. Со вашата поддршка, Цибона ќе излезе од ова посилна и поподготвена за сè што носи следната сезона. Чувајте се и се надеваме дека вие и вашите семејства сте безбедни.“
