Ракометна федерација на Македонија го одржа Редовно Собрание на кое беа присутни 45 од вкупно 47 членови.
Претседателот на РФМ, Александар Стефанов ја отвори седницата, го прочита извештајот од сите активности во измнинатата година, учествата на сите национални тимови потенцирајќи дека се надева дека женската сениорска репрезентација ќе се пласира на Европското првенство 2026 година. Воедно тој им го честита на Алкалоид освоениот пехар во ЕХФ Европскиот Куп најдевајќи се дека истиот успех ќе го повтори ГРК Охрид.
Првиот човек на РФМ извести дека „Трофеј Македонија“ ќе се одржи и оваа година, повторно во Охрид, а нашите ракометарки ќе одиграат силни натпревари против Србија, Црна Гора и Хрватска.
„Трофеј Македонија оваа година Србија, Црна Гора и Хрватска, повторно ќе биде во Охрид. Организиравме повеќе од шест каравани, градовите покажаа голем интерес, продолжуваме со нив, да добијт едукативен карактер, кој очекуваме да ја зголемат базата на деца во ракометот“, рече Стефанов.
РФМ за 2025 година има остварено приходи 89.132.775 денари, додека расходниот дел 87.867.868 денари. Извештајот беше изгласан од страна на членовите на Собранието.
Ракометната федерација на Македонија извести дека од следната сезона (2026/2027) ќе обезбеди спортска опрема која ќе се состои од дресови и тренерки, клубовите до Прва машка и Прва женска лига. Стефанов ги повика сите клубови да поднесат список за да може да се изготви опремата.
Исто така ќе биде доделена симболична награда од 30.000 денари за судиите кои не претставуваат надвор од Македонија: Ѓорѓи Начевски и Славе Николов, Димитар Митревски и Благојче Тодоровски, Силвана Карбеска и Маја Илиева.
