Кристијан Грчевски, селекторот на женската ракометна репрезентација на Македонија го објави скратениот список на ракометарки на кои ќе смета за претстојната ЕХФ недела за подготовка и настап за квалификациски натпревари со репрезентацијата на Германија и Словенија во рамки на Qualifiers for the WOMEN’S EHF EURO 2026 Phases 5 and 6.
За разлика од минатиот пат, на списокот не се наоѓа Ивана Арсениевска, која е повредена, а на списокот се најде Сара Стефаноска, која го одигра вториот меч со Белгија.
Сара Ристовска сеуште се опоравува од повредата.
Собирот ќе се одржи на 06.04.2026 (понеделник) во Хотел Александар Палас – Скопје во 09:30 часот.
Македонија е во трка за пласман на Европското првенство во Полска, Чешка, Словачка, Романија и Турција.
