Кристијано Роналдо доби зелено светло да продолжи со целосни тренинзи со Ал Наср. Португалската ѕвезда помина успешна рехабилитација во Мадрид и Ријад и се очекува да биде вклучен во составот за претстојниот натпревар против Ал Наџма во првенството на Саудиска Арабија овој петок. Враќањето на напаѓачот доаѓа во совршено време – и за борбата за титулата на неговиот клуб и за подготовката на репрезентацијата на Португалија за Светското првенство во 2026 година.
41-годишниот голгетер заработи повреда на тетивата во победата од 3-1 над Ал Феја. Непријатната повреда го принуди да ги пропушти клучните натпревари против Неом и Ал Халиџ. За да го забрза закрепнувањето, Роналдо беше подложен на посебен третман во Шпанија пред да се врати во медицинскиот центар на клубот во Ријад. Сега лекарите се категорични – Португалецот е целосно подготвен за игра. Уште добри вести ги израдуваа навивачите на тимот, откако и на Садио Мане му беше дозволено да тренира заедно со своите соиграчи. Сенегалецот се опоравуваше од повреда на глуждот. Ова значи дека главниот тренер Жорге Жесус повторно ќе може да смета на своите две најголеми ѕвезди за последниот спринт од сезоната. Ал Насер во моментов се обидува да ја одржи својата кревка предност од три бода на врвот на табелата.
