Вистинска катастрофа го погоди „Градот на ангелите“ во најлошиот можен момент. Лос Анџелес Лејкерс останаа без двајца од клучните играчи на тимот во рок од само неколку дена, бидејќи Остин Ривс му се придружи на Лука Дончиќ на листата на повредени.
Отсуството на двајцата стартери фрла сенка врз амбициите на тимот на самиот крај од сезоната, а вестите што доаѓаат од медицинскиот тим не се ветувачки.
Тимот од Лос Анџелес официјално објави дека Остин Ривс претрпел истегнување од втор степен на косиот стомачен мускул. Како што известува добро информираниот инсајдер Шамс Чаранија, овој вид повреда бара четири до шест недели одмор и рехабилитација. Ова практично значи дека лигашкиот дел од сезоната за Ривс е завршен, но она што е уште поболно за навивачите на Лејкерси е тоа што плејмејкерот веројатно ќе го пропушти целото прво коло од плејофот. Со оглед на тоа што и Лука Дончиќ е надвор од игра, тренерот на Лејкерси се соочува со невозможна мисија пред одлучувачките битки.
