Дали Ал Наср, поради Кристијано Роналдо, мора по секоја цена да биде првак во С.Арабија. Имено шампионатот во таа земја влегува во својата завршна фаза и сè уште неизвесен. На шест кола до крајот, тензијата и тоа како е голема.
Моментално, Ал Наср, тимот на Кристијано Роналдо, е на чело на табелата со два бода предност пред Ал Хилал, но со натпревар помалку. До пред два дена, Ал Ахли беше на второто место, но по нерешениот резултат против Ал Фајха, паднаа за едно место. Фудбалерите на Ал Ахли избувнаа по резултатот, обвинувајќи го судијата дека не сакал да победат затоа што не видел играње со рака. Галено, поранешен играч на Порто, тврди дека им е спречено да победат затоа што Саудиска Арабија сака Кристијано Роналдо да биде новиот шампион:
„Можат да му го дадат трофејот, тоа го сакаат, сакаат да нè исфрлат од првенството во секој случај, сакаат да го дадат трофејот на една личност, тоа е непочитување кон нашиот клуб“, луто напиша на Х. Тој не беше единствениот. Тони објави приказна на својот Инстаграм, која подоцна ја избриша:
„Веќе знаеме. Од кого се обидуваме да преземеме? Кој има корист? Кристално е јасно. Не знам што друго можеме да направиме. Ако ја фатите топката со двете раце, дали е пенал? Кога се обидовме да разговараме со судијата, тој ни рече да се фокусираме на Лигата на шампионите на АФЦ. Како може судијата да го каже тоа? Рече дека снимал сè, се надевам дека ќе можеме да го чуеме. Можеби го избришал…“
Самиот клуб објави соопштение во кое се жали на судењето:
„Судиските одлуки имаа директно влијание врз текот на играта и нејзиниот конечен резултат, што пак влијаеше на позицијата на тимот во трката за титулата. Овие грешки покренуваат легитимни сомнежи за процесот на избор на судии и применетите критериуми. Тимот се соочи со неправедни судиски одлуки, неприфатлива ситуација што не е во прилог на развојот на натпреварувањето ниту го поддржува принципот на конкурентска фер игра, што треба да биде основа на секој успешен турнир.“
