Младата ѕвезда на Барселона, Ламине Јамал, на чуден начин покажа дека верува во можниот пресврт на својот тим против Атлетико Мадрид во четвртфиналето од Лигата на шампионите. „Јорганџиите“ имаат предност од 2-0 пред втората средба меѓу двата тима, која е во вторник во шпанската престолнина.
Јамал ја смени својата профилна слика на Инстаграм во таква на која кошаркарската легенда Леброн Џејмс ужива во трофејот од НБА, кој го освои со Кливленд Кавалирс во 2016 година. Сепак, 18-годишниот талент дефинитивно не ја одбрал оваа фотографија случајно, бидејќи токму тогаш Кралот и неговиот тим станаа шампиони со најимпресивниот пресврт во историјата на финалните плејоф натпревари во американското кошаркарско првенство. Во тоа време, „Кавалирс“ губеа со 1:3 во нивната серија против Голден Стејт Вориорс, но Леброн ги предводеше до триумф по пресвртот до успех од 4:3 – нешто без преседан во целата историја на НБА.
🚨| Lamine Yamal has changed his Instagram profile picture to LeBron James holding the NBA trophy after their 3-1 comeback in the 2016 NBA Finals. He knows the earphones and sunglasses trend! 👀🔥 pic.twitter.com/JVy9RDvSVZ
— Access Yamal (@AccessYamal) April 12, 2026
