Алкалоид не успеа да слави против фаворитот, па така Вардар во недела ќе игра во големото финале во Купот на Македонија. Четата на стратегот Кирил Лазаров дадоа се од себе, играа хендикепирани со неиграњето на неколкумина стандардни ракометари и тоа се почувствува на теренот.
Свој коментар имаше Дамјан Митев кој кај поразениот тим беше најефикасен со шест голови:
“Одигравме еден тежок натпревар бидејќи имаме повредени играчи. Според мене првото полувреме го изигравме одлично. Во вториот дел ни падна ритамот, се боревме, оставивме срце на терен, но тоа е тоа. Им честитам на противниците, на екипата на Вардар и им посакувам среќа во финалето“ изјави Митев по мечот.
