Македонската машка кадетска репрезентација со победа го стартуваше Светското училишно првенство во ракомет. Избраниците на Горан Кузманоски во првото коло славеа против Бугарија со 33-18 (11-9).
Нашата репрезентација беше подобар противник во текот на целиот меч. Клучната разлика ја направи во второто полувреме. После 11-8 на одморот, Македонија со серија од 4-0 поведе со 15-9. Нашите момци не застанаа тука, поведоа со 18-11 и го најавија победникот на оваа средба. Во 40-та минута Македонија за првпат поведе со двоцифрена разлика 23-13.
Најдобри стрелци во македонскиот состав беа Лука Јовиќ со шест гола, а по пет постигнаа Трајче Костов и Стефан Ѓеорѓиевски.
Македонија утре ќе игра против Грузија, натпреварот е закажан со почеток во 10:30 часот во салата “Македонско Сонце”.
