Муамед Сејдини, поранешниот претседател на Фудбалската федерација на Македонија, со одлука на Основниот кривичен суд доби 30-дневен притвор. Ова е на барање на Јавното обвинителство кое поведе истрага против Сејдини откако вчера беше уапсен поради сомневање на финансиска проневера од околу 660.000 евра.
Мерката притвор е одредена поради сомневање дека лицето сторило Кривично дело Проневера во службата.
Со одлуката дојде и објаснувањето од судот дека мерката притвор се определува поради опасност од бегство на осомничениот, како и можност да влијае врз сведоци и докази во постапката.
Инаку некогашниот претседател на Фудбалската федерација на Македонија, според МВР и Јавното обвителство, се сомничи дека проневерил 660.000 евра при изградба на трибина на стадионот “Билјанини Извори“.
