Американски конзорциум се обидува да го купи Наполи. „Атлетик“ дознава дека „Андердог Глобал Партнерс“ (UGP) ги води преговорите во име на групата инвеститори.
Аурелио Де Лаурентис немаше намера да го продаде клубот, но тоа не ги спречи УГП и неговите партнери. Преговорите траат веќе шест месеци. УГП веќе има инвестиции во италијанскиот спорт, бидејќи се јавува како компанија мнозински сопственик на Кампобасо, клуб во третата италијанска лига. Минатиот мај, таа исто така купи контролен удел во кошаркарскиот тим на Наполи.
Конзорциумот има намера да поднесе понуда за учество во НБА Европа, која треба да започне во 2027 година. Наполи на тој начин ќе стане дел од единствена мултиспортска структура.
Предлогот на УГП направен во име на конзорциумот, вклучува обврска за инвестирање во инфраструктура, вклучувајќи ја приватизацијата и реконструкцијата на стадионот „Диего Армандо Марадона“. Според „Атлетик“, преговорите се заглавени поради неколку спорни прашања, но УГП се надева дека ќе ги надмине овие разлики и ќе го продолжи дијалогот со Де Лаурентис.
