Столе Димитриевски, полека но сигурно си го пронајде местото во тимот на Валенсија. А зарем некој се сомневаше дека ќе биде поинаку? Нашиот капитен, прекален интернационалец, „голмаништето“, еден од накјвалитетните чувари на мрежата во Европа, денеска и официјално го потпиша новиот договор со екипата на Валенсија, каде што е член извесен период.
Истиот вели дека Столе е дел од овој легендарен шпански клуб минимум до 2028 година, а за официјалниот сајт на клубот Димитриевски ги споделува своите импресии за новиот дил.
„Многу сум среќен и воодушевен што го објавувам ова двегодишно продолжување на договорот со Валенсија. Немав никакви сомнежи за ова продолжување, отсекогаш сум го сакал и сум бил фокусиран на него бидејќи сум многу среќен тука и со сè што претставува клубот“ – вели Димитриевски и додава.
„Секогаш се обидувам да го покажам и да го дадам најдоброто од себе. Знам што е Валенсија и нивната големина, нивниот народ и сè што доаѓа со тоа. Секогаш велев дека сакам да играм за голем клуб кога пристигнав во Шпанија, а Валенсија е еден од најголемите. Многу сум среќен и воодушевен што продолжувам, уживам во секојдневието на тренинг, играње и одбрана на овој амблем“ – додава нашиот репрезентативен капитен, а потоа се осврнува и на националниот тим.
„Да се квалификуваш за Светското првенство од Европа е многу тешко. Мора да завршиш прв во групата, а плејофот беше многу комплициран. Станува збор за станување и продолжување на борбата. Веројатно ми остануваат уште едно или две Светски првенства и ќе се обидам со сета моја желба. И, како Валенсија следната година, мора да се обидеме да продолжиме да се движиме нагоре и да постигнеме поважни цели.“ – вели Димитриевски.
