19-годишниот голман на Брера, Даниел Диковски е ново засилување за шампионот Вардар. Според информации од редовите на „црвено-црните“ младиот чувар на мрежата на струмичкиот тим се сели на голот на шампионот.
Диковски беше дел од младинските репрезентативни состави на Македонија, а во екипата на Брера Струмица имаше и 13 настапи во прволигаштака конкуренција. Инаку тој е дете на Македонија Ѓорче Петров, но помина дел од младинските категории во Брера пред да заигра и за првиот тим.
Младиот голман потпиша 3-годишен професионален договор со Вардар.
