По договорот за доаѓање на Жозе Мурињо и дефанзивните засилувања Дензел Дамфрис и Ибрахима Конате, претседателот на Реал Мадрид, Флорентино Перез, не запира. Пред претседателските избори на Реал Мадрид оваа недела, каде што Перез ќе се соочи со неговиот противник Енрике Рикелме, сегашниот претседател објави понуда од 150 милиони евра за нов играч. Шпанските медиуми тврдат дека станува збор за играчот од средниот ред на ПСЖ, Жоао Невес.
„Во вторник ќе испратам понуда до голем клуб за врвен играч. Ќе понудам 150 милиони евра, што ќе биде највисоката сума што Реал Мадрид некогаш ја платил“, рече Перез. Тој се обиде да остане енигматичен. „Никогаш нема да погодите за кого станува збор“, рече тој, додавајќи дека целта не е Олисе, Халанд или кој било друг играч од Премиер лигата.
