Женската А – репрезентација на Македонија вечерва на гостувањето во Ла Вела, славеше со 0:1 против домашната селекција на Андора и тоа со голот на Николовска во 86.минута во меч од квалификациите за СП во Лига Ц од 5.коло во групата 3.
Ова е втора победа за составот на селекторот Александар Андов во овој циклус, и втора против Андора, ако се знае дека пред три месеци дома славевме со 3:0.
И Андора и Македонија си имаа свои шанси, сепак на крајот славеа нашите фудбалерки.
Македонија вечерва во Ла Вела настапи со следниот состав:
Панчурова, Ѓорѓиева, Николовска, Петкова, Коловска, Галабовска, Максути, Цветкоска, Грозданова, Величковска, Сулејмани.
Играа и Павловска, Карпузовска, Цветковиќ, Емини..
На вториот меч од групата 3, Унгарија како гостин успеа да слави против Азербејџан.
Па така табелата по 5.коло изгледа вака:
Унгарија 13, Азербејџан 9, Македонија 6 и Андора 1 бод.
На 9 јуни Македонија против Азербејџан во Битола од 19 часот ќе го одигра својот последен меч во овие квалификации.
