Машката ракометна репрезентација на Македонија на чело со селекторот Кирил Лазаров, денеска ги дозна противниците за претстојното светско првенство кое што секако традиционално се игра во јануари.
Нашиот национален состав во „Гетек Арената“ во Магдебург, Германија, е во група заедно со Бахреин, Јапонија и Исланд, во рамките од групата Х.
Откако ги дознавме ривалите, следуваше и распоредот на мечевите за турнирот. Македонија ќе го отвори истиот на 15 јануари со дуелот против Јапонија, за да два дена подоцна се сретнеме против Бахреин.
На 19 јануари пак го играме последниот меч од групната фаза против силниот Исланд.
Првите три селекции ќе продолжат во главната рунда во Хановер, заедно со најдобрите од групата Г каде што се Данска, Словенија, САД и Ангола.
