Аргентинските фудбалери го победија Алжир со 3-0 во првиот натпревар од Групата Ј во Канзас Сити и и триумфлано ја започнаа одбраната на титулата. Сите три гола ги постигна извонредниот Лионел Меси, кој стрелаше во 17-та, 60-та и 76-та минута од натпреварот.
Извонредниот Аргентинец достигна 16 гола на Светските првенства, изедначувајќи се со најдобриот стрелец на сите времиња на Мирослав Клосе. Меси стана и најстариот играч кој постигнал три гола на еден натпревар од Светското првенство на возраст од 38 години и 357 дена, соборувајќи го рекордот на Кристијано Роналдо за најстар играч кој постигнал хет-трик. Португалецот постигна три гола против Шпанија на Светското првенство во 2018 година на возраст од 33 години и 130 дена.
Покрај тоа што ѝ ја донесе победата на Аргентина, Лионел Меси постави или израмни неколку импресивни рекорди со овој натпревар. Тоа беше неговиот 200-ти настап за националниот тим, а тој стана и првиот фудбалер во историјата кој играл на шест различни светски првенства.
Со три гола, тој стана само четвртиот Аргентинец со хет-трик на Светското првенство, по Гилермо Стабиле, Габриел Батистута и Гонзало Игуаин. Најважно од сè, со 16 постигнати гола на светските првенства, тој се изедначи на врвот на листата на сите времиња со Германецот Мирослав Клосе. Тој ќе ја има својата прва шанса да остане сам на врвот за шест дена, кога Аргентина ќе игра против Австрија.
