Трагична вест доаѓа од Островот. Светот на фудбалот беше потресен од тажната вест од Велс. Марк Хјуз, прославениот велшки фудбалер и тренер, објави дека неговиот син Алекс Хјуз починал ненадејно на 38-годишна возраст.
Оваа неочекувана загуба го остави семејството Хјуз во длабока жалост. Во кратко соопштение за медиумите, Марк Хјуз побара разбирање и почитување на приватноста во овој исклучително болен период.
Иако не играл фудбал професионално, Алекс ја посветил својата кариера на спортот, фокусирајќи се на анализа и скаутирање на играчи. Во последните години, тој ја извршуваше функцијата менаџер за регрутирање на фудбалери во клубот Гримсби Таун. Веста за смртта на Алекс Хјуз предизвика бран реакции во фудбалската заедница, а пораки на сочувство и поддршка за семејството пристигнуваат од целиот свет. Марк Хјуз е една од најистакнатите личности во историјата на велшкиот фудбал.
За време на неговата играчка кариера, тој ги носеше дресовите на великани како Манчестер Јунајтед, Барселона и Челзи, а беше и клучен играч на репрезентацијата на Велс. Како тренер, тој раководеше со голем број клубови, вклучувајќи ги Манчестер Сити, Фулам, Квинс Парк Ренџерс, Стоук Сити и Саутемптон.
Everyone at Grimsby Town Football Club is devastated to learn of the sudden and unexpected passing of our Player Recruitment Lead, Alex Hughes.
Rest in peace, Alex. Once a Mariner, always a Mariner.#GTFC
— Grimsby Town F.C. (@officialgtfc) June 21, 2026
