Синоќа заврши 1/16 финалето на СП, а од вечерва стартува 1/8 финалето. Се разбира дека ова е тоа вистинското, „забавата“, онаа вистинска, сега почнува.
Вечерва на програтама се два меча, Канада – Мароко и Франција – Парагвај. Страшната Франција е подготвена за ново шоу а Парагвај нека му ја мисли.
Канадската репрезентација постигна историски успех со победата над Јужна Африка (1-0) благодарение на голот на Стефан Еустакио во судиското продолжение. Селекторот Џеси Марш со нетрпение го очекува враќањето на Алфонсо Дејвис, кој ги одигра последните 15 минути од претходниот натпревар, но повторно можеше да биде само на клупата, додека Исмаел Коне останува надвор од игра.
Мароко ја надмина драмата против Холандија на пенали и е непоразен во девет натпревари. Новиот селектор Мохамед Уаби има целосно подготвен тим, вклучувајќи го и закрепнатиот дефанзивец Чади Риад и новата ѕвезда на Баерн, Исмаел Саибари. Мароканците се фаворити поради нивното поголемо искуство и технички квалитет, но високиот притисок на Канада ќе биде сериозен тест.
ХЈУСТОН – 19.00 Ч
Канада – Мароко
Франција и Парагвај играат во Филаделфија. Парагвај направи првокласна сензација елиминирајќи ја Германија по изведувањето на пенали (1-1, 4-3). Селекторот Густаво Алфаро не може повторно да смета на повредениот дефанзивец Омар Алдерете, но Диего Гомез се враќа на средниот ред по суспензијата, што сигурно ќе ги зајакне неговите опции и шанси за победа, додека Хулио Енсисо ќе го предводи нападот.
Франција игра во страшна форма и е единствената, заедно со Мексико и Аргентина, со максимален ефект, постигнувајќи најмногу голови на турнирот досега (13). Селекторот Дидие Дешамп нема нови проблеми со повреди, само Маркус Турам е под знак прашалник, а смртоносната напаѓачка четворка Дембеле, Олисе, Баркола и Мбапе е подготвена од првата минута. Иако Парагвај покажа исклучителен борбен дух, моќните Триколори се јасни фаворити за пласман и сè друго освен нивната убедлива победа би било изненадување. Но, имаше и поголеми шокови…
ФИЛАДЕЛФИЈА – 23.00 Ч
Парагвај – Франција
