Тренерот Артим Положани и капитенот Ибраими го најавија првиот дуел од првото коло на УЕФА Конференциската лига против тимот Европа во Гибралтар, барајќи максимална посветеност и победа пред реваншот.
„Утре започнува нов циклус за нас, ги започнуваме Европските купови, важен циклус. Како што споменавте, минатата година клубот постигна извонреден успех во Европа. Но, тој успех сега е минато и секако ќе се обидеме да одиме доста далеку оваа година, бидејќи потенцијалот постои. Мислам дека со максимален пристап и посветеност, од почеток до крај, можеме да одиме далеку. Што се однесува до подготвителната фаза, многу е важно таа да помине успешно и целата група да биде комплетирана, така што сите што се подготвени за натпреварот утре ќе се натпреваруваат“, Артим Положани.
Капитенот Бесарт Ибраими ја прифати фаворитската улога, но тоа ќе мора да го покажат на терен.
„Да бидам искрен, во утрешниот натпревар е нормално дека сме фаворити, но нашата посветеност навистина ќе биде максимална. Мораме да пристапиме со најголема сериозност, бидејќи денес нема лесни натпревари. Се подготвивме, го анализиравме противникот и се надеваме дека утре ќе го добиеме натпреварот, така што во реваншот ќе ни биде полесно.“
Натпреварот помеѓу Европа и Шкендија се игра утре со почеток во 19:30 часот.
