Како што се очекуваше, новиот селектор на Мексико е Рафаел Маркес.
Од 2024 година, до Светското првенство, Маркес ја извршуваше функцијата помошник на сегашниот селектор Хавиер Агире. Мексиканската фудбалска федерација објави дека поранешниот познат репрезентативец потпишал договор до 2030 година.
„Назначувањето на Рафаел Маркес за главен тренер е дел од уредна транзиција дизајнирана да обезбеди континуитет и да го зајакне развојот на тимот“, соопшти Мексиканската фудбалска федерација.
Се очекува Маркес да го има своето деби на клупата за време на репрезентативните „прозорци“ на ФИФА на крајот на септември и почетокот на октомври.
„Задоволен сум од развојот што го покажа Рафа. Разговарав со Рафа бидејќи двајцата сме истакнати личности во мексиканскиот фудбал. Го познавав како играч и соиграч и тој е повеќе од квалификуван да ја води репрезентацијата“, рече сега веќе поранешниот селектор Агире.
На тековното Светско првенство, Мексико го заврши натпреварувањето во осминафиналето со пораз од Англија со 2:3.
Маркес, да потсетиме, е национален рекордер со 147 настапи за репрезентацијата. Тој играше на пет светски првенства.
