Норвежаните беа блиску до историско полуфинале, но беа поразени од Англија со 2-1 по продолженијата на стадионот „Хард Рок“ во Мајами.
По натпреварот, Халанд рече дека секогаш ќе се сеќава на она што го направи неговиот тим на ова Светско првенство.
„Ова беше лудо патување. Мислам дека ми го промени животот, да бидам искрен“, рече напаѓачот на Манчестер Сити.
Иако поразот беше тежок за целата нација, Халанд верува дека Норвешка направи огромен чекор напред и му покажа на светот дека припаѓа на самиот врв на светскиот фудбал.
„Мислам дека ја ставивме Норвешка на фудбалската мапа“, рече еден од најдобрите напаѓачи на денешницата.
Норвешка го постигна најголемиот успех во својата историја на ова првенство, а генерацијата предводена од Халанд и Мартин Одегард покажа дека може да игра значајна улога на најголемите натпреварувања во годините што доаѓаат.
