Новите светски шампиони во фудбал ќе добијат, покрај легендарниот шампионски пехар и златните медали, уште едно признание, специјални прстени.
Меѓународната фудбалска федерација (ФИФА) објави дека за првпат ќе им додели прстени на победниците од неделното финале меѓу Шпанија и Аргентина.
Во американските спортови е вообичаено тимовите што освојуваат првенства да добиваат прстени за своите достигнувања. Сега, управното тело на светскиот фудбал ја воведува оваа практика и за Светското првенство во САД, Мексико и Канада.
„Секој прстен ќе биде дел од строго ограничено издание од само 2.026 индивидуално нумерирани парчиња, директна почит кон самиот турнир. Од нив, 30 ќе му бидат подарени на победничкиот тим, додека 1.996 ќе бидат достапни за навивачите ширум светот како официјално лиценциран производ, овозможувајќи им на навивачите да поседуваат уникатен дел од историјата на Светското првенство во фудбал“, објави ФИФА.
