Некогашниот македонски младински репрезентативец, Агрон Руфати е нов играч на екипата на Приштина од Косово.
Стоперот се одлучи да се пресели кај нашиот сосед по епизодата во Словенија, во екипа која што изминатата сезона, а и следнава има доста високи амбиции.
Руфати имаше статус на У21 репрезентативец на Македонија, и има доста искуство на интернационална сцена.
Своевремено беше дел од младинската школа на Динамо Загреб, за да потоа има настапи и за Локомотива, Истра, Зорја во Украина, Динамо Сити во Албанија, Брера во Македонија,Академика во Романија…
Руфати веќе се приклучува на остатокот од тимот на подготовките во Турција.
Во Приштина секако е и нашиот Марио Илиевски кој што набргу ќе се врати на терените по повредата на тетивата.
