Голманот на Манчестер Сити и капитен на италијанската репрезентација Џанлуиџи Донарума (27) и неговата долгогодишна партнерка Алесија Елефанте (29) се венчаа по десет години врска. На списокот на гости имаше многу познати имиња, меѓу кои и соиграчот Ерлинг Халанд со неговата девојка Изабел Хаугсен Јохансен и хрватскиот репрезентативец Матео Ковачиќ со неговата сопруга Изабел.
Норвешкиот напаѓач уште еднаш покажа зошто навивачите го сакаат дури и надвор од фудбалскиот терен. На прославата, тој ја презеде улогата на главен забавувач и ги водеше гостите во викиншко веслање. На снимката споделена на социјалните мрежи, Халанд се гледа како ги води гостите како седат на подот во ритамот на тапан и синхронизирано имитираат веслање.
Викиншкото веслање доби глобална популарност за време на Светското првенство, кога Халанд и неговите норвешки соиграчи го изведуваа по нивните победи.
Haaland leading the ROW at Donnarumma’s wedding 🚢 😂 pic.twitter.com/i20WvkGRaK
— Viral Us Zone (@ViralUsZone) July 25, 2026
