Македонската машка кадетска репрезентација за три дена го започнува својот настап на Европското првенство кое ќе се одржи во Белград од 29 јули до 9 август. Избраниците на селекторот, Горан Кузманоски на стартот ќе ги одмерат силите со Словенија, а во наша група се уште и Франција и Шведска.
Ова ќе биде совршена можност за љубителите на ракометот да ги видат ѕвездите на иднината на спортот, а билетите за турнирот со 24 екипи во Белград се достапни.
Од ЕХФ веќе информираа за цените на билетите – мало потсетување:
еднодневен билет за една сала — 1.000 динари (околу 8,50 евра)
еднодневен билет за сите три сали — 1.500 динари (околу 12,75 евра)
целодневен пакет за турнирот за сите три сали — 9.000 динари (околу 76,50 евра)
