Актуелниот македонски ракометен шампион, тимот на Вардар попладнево, во легендарната и реновирана сала „Разадник“ во Скопје и официјално ги стартуваше подговотките за следната сезона.
Тренерот Иван Чупиќ ги активираше своите избраници по летната пауза, и ги поведе во долга и макотрпна сезона во која што покрај домашниот шампионат секако главен збор ќе има и настапот во Лигата на Шампионите.
На првиот тренинг секако присутни и новитетите во „црвено – црниот“ табор кој прописно, со оглед на амбициите и настапите кои што следуваат прописно се засили.
Тука се Милан Бомаштар, Матео Фадуил , Мохаб Абделак , Леон Љевар , Никола Нечовски, Марио Ѓорчески и Бобан Попоски.
Подготовките на Вардар се распоредени во неколку фази, а по оваа почетната екипата ќе се пресели во Маврово. Следуваат потоа традиционалните гостувања на турнирот во Струга и Охрид, а кон крајот на август се закажани и првите официјални мечеви.
