Ромелу Лукаку, би можел да го напушти Наполи ова лето, а членот на МЛС лигата, Атланта, е заинтересирана за услугите на белгискиот напаѓач, според медиумите на Апенините.
Лукаку е во последната година од договорот со Наполи откако пристигна од Челзи во летото 2024 година. Белгиецот одигра важна улога во освојувањето на титулата во италијанското првенство во сезоната 2024/25, но во текот на следната натпреварувачка година одигра само пет лигашки натпревари поради проблеми со повреди.
Со доаѓањето на новиот тренер Макс Алегри и конкуренцијата во нападот, предводен од Расмус Хојлунд, статусот на искусниот напаѓач во тимот повеќе не е ист.
Според белгискиот новинар Саша Таволиери, Атланта Јунајтед ги засили своите напори да го ангажира најдобриот стрелец во историјата на белгиската репрезентација.
Преговорите меѓу заинтересираните страни наводно се започнати, а Лукаку е подготвен да размисли за заминување од Наполи.
Сепак, разговорите се во почетна фаза, а евентуалниот трансфер ќе зависи и од финансиските услови. Според некои информации, Наполи би бил подготвен да прифати понуда од околу 10.000.000 евра за 33-годишниот напаѓач.
