Македонската машка јуниорска репрезентација запиша пораз против Велика Британија (83-73) и заврши на 14-то место на Европското првенство Б Дивизија.
Нијанси го одлучуваа победникот на овој меч. Нашите кошаркари беа подобри во првата четвртина (18-21), додека противникот на одморот замина со позитива од 43-39. Беше изедначена битката и во третата четвртина во која Велика Британија беше подобра со 16-15.
Во последните десет минути кои практично го решија противникот, Македонија го загуби чекорот и дозволи противникот да дојде до двоицфрена позитива (76-61). Во последните две минути успеа да направи притисок, но не и да приреди целосен пресврт.
Данев со 16 поени беше прв стрелец, по 14 имаа Ѓорѓевиќ и Ѓиновски.
