Арда Ѓулер во ПСЖ? Па, и не е така невозможно. Имено, барем според медиумите во Франција и Шпанија, актуелниот европски првак веќе испратил понуда до Реал Мадрид за турскиот репрезентативец, вредна 115 милиони евра.Доколку трансферот се реализира, Ѓулер би бил еден од најскапите излезни трансфери во историјата на мадридскиот клуб. Турчинот пристигна во Реал Мадрид од Фенербахче, а шпанскиот гигант го препозна огромниот потенцијал кај младиот играч од средниот ред. Иако неговиот почеток во Мадрид беше обележан со проблеми со повреди и недостаток на минутажа, Ѓулер со текот на времето покажа зошто се очекува да има одлична кариера.
Турскиот репрезентативец го привлекува вниманието на бројни европски гиганти со своите настапи, а ПСЖ, според „Фичајес“, е подготвен да направи сè за да го доведе во своите редови.
Финансиската страна на потенцијалниот трансфер е особено интересна. Понудата од 115 милиони евра покажува колку ПСЖ го цени потенцијалот на Гулер, но и колку Реал Мадрид би можел да биде во искушение да размисли за евентуална продажба.
