Малку треба за голем проблем, а тоа на своја кожа најдобро го почувствува капитенот на Коритиба, Јаси Маранјао, тимот од Бразил во дуелот со Чапекоенсе.
Тој постигна гол пред полувремето, и во еуфорија да го прослави истиот ја прескокна рекламната ограда до теренот. Несвесен дека зад неа има дупка, односно почнува тунелот од каде што играчите излегуваат на терено.
Секако, играчот не беше подготвен за таков скок, па се повреди при приземјувањето.
Иако веднаш излезе на „дневна светлина“ што се вели, и даде до знаење дека не е тешко повреден сепак, на крајот беше заменет и со болничко возило однесен да му бидат направени дополнителни прегледи.
