Манчестер Јунајтед има намера да ги засили своите редови на самиот крај од преодниот рок. Очигледно, Јунајтед не е задоволен од сегашниот играчки кадар, па затоа сака да го засили со сите сили, а наводно пронашол и двајца играчи кои ќе се обидат да ги доведат. Медиумите од Островот пишуваат дека „Црвените ѓаволи“ сакаат да доведат двајца играчи од Реал Мадрид, Едуардо Камавинга и Ферлан Менди. Извори блиски до англискиот клуб наведуваат дека Јунајтед е подготвен да му понуди на Реал 80 милиони евра обештетување за гореспоменатите играчи, и дека во Мадрид веруваат дека таквата понуда би била основа за конкретни разговори.
Патем, новиот тренер на Реал, Жозе Мурињо, благо речено, не е воодушевен од Камавинга и Менди, што значи дека нивните заминувања се доста веројатни.
Камавинга пристигна во Реал во 2021 година од Рен. Тој потпиша договор со „кралскиот клуб“ до летото 2027 година, но во ноември минатата година го продолжи до летото 2029 година. Вкупно, тој одигра 221 натпревар за Реал, од кои 43 минатата сезона, од кои 23 како стартер.
Од друга страна, Ферланд Менди пристигна во Реал во 2019 година од Лион во трансфер вреден околу 30 милиони евра. Тој одигра вкупно 210 натпревари за „кралскиот клуб“, постигнувајќи шест гола и додавајќи 12 асистенции. Поради проблеми со повреди, тој одигра вкупно девет меча минатата сезона.
