Кошаркарската репрезентација на Србија ја победи Италија со 76:64 во квалификацискиот натпревар за Светското првенство во кошарка во 2027 година. Србија последен пат ја победи Италија на Светското првенство во 2019 година, а оттогаш претрпе три порази, но таа серија ја прекина вечерва.
Ова беше шеста победа на Србија во квалификациите за Светското првенство, а тие имаат два пораза и моментално се на второто место во Групата Ј, зад Турција која славеше против Исланд на гости со 110-73.
Србија до големата победа ја предводеа Марко Гудуриќ и Алекса Аврамовиќ, кои се истакнаа во најважните моменти кога Италија се закануваше. Аврамовиќ постигна 20 поени, со по три скока и по три асистенции, додека Гудуриќ заврши со 19 поени, четири асистенции и две украдени топки. Никола Јокиќ одигра 24 минути и имаше осум поени и осум скока.
Грција остана во игра за пласман на Мундобаскет откако ја прекина црната серија од три порази, славејќи во трилер-мечот со Шпанија со 108-106. Во истата група Црна Гора загуби од Украина на домашен терен со 89-98. Украина е лидер на табелата.
Шансите за мундијалски пласман на селекцијата на БиХ се сведени на минимум по поразот од 78-73 на гостувањето против Литванија.
