Португалскиот фудбалер Жоао Невеш ги изненади апсолутно сите со автомобилот со кој се на тренингот на ПСЖ. Еден од најдобрите играчи од средниот ред во светот, Жоао Невеш заработува околу 8 милиони еврра годишно.
Сепак, Португалецот очигледно не е некој што ќе ги троши своите тешко заработени пари залудно, особено не на скапи автомобили, како оние што ги возат неговите колеги од ПСЖ.
Така, тој се појави на тренингот во комби „Пежо“ и ги остави сите во неверица. Многумина немаа поим дека станува збор за ѕвездата на ПСЖ.
„Мислев дека е доставувач“, е еден од коментарите, додека друг додава:
„Човекот ладнокрвно вози автомобил од 7.000 евра“.
Во време кога луксузните автомобили често се составен дел од имиџот на врвните фудбалери, овој вид сцена сосема природно го привлекува вниманието на јавноста. Невеш, свесно или не, покажа дека дури и надвор од теренот, може да се издвои од воспоставените навики на големите ѕвезди.
Автомобилот што го користи за да дојде на тренинг очигледно му служи исклучиво како превозно средство, а не како порака или доказ за статус. Таквиот пристап им изгледа освежувачки на многумина, особено кога доаѓа од играч кој настапува на најголемата европска сцена.
На социјалните мрежи, ваквите детали честопати добиваат поголемо внимание од самите тренинзи, бидејќи им нудат на навивачите поинаков поглед на секојдневниот живот на фудбалерите. Токму затоа изгледот на Невеш не остана незабележан.
João Neves est arrivé au Campus PSG… en camionnette utilitaire. 😂🚛🇵🇹 pic.twitter.com/VRgJloy6Yk
— Le Meilleur du PSG (@LMDPSG) August 31, 2026
