Тимот на Вардар со новиот тренер, во името на Миодраг Божовиќ веќе три дена се подготвува за она што ќе биде прв предизвик за искусниот црногорски стратег.
А тоа е дуелот од шестото ПМФЛ коло против тимот на Арсими. Дуелот се игра на комплексот Петар Милошевски во Скопје, утре од 19:00 часот.
Што се однесува пак до ростерот на „црвено – црните“, Божовиќ нема да може да смета најверојатно на португалецот Мануел Пиреш, кој што се повреди на еден од тренинзите пред мечот.
Од друга страна пак, останатите се во конкуренција, а ќе видиме конкретно за кого Божовиќ ќе се одлучи да го стави во првите единаесет.
Вардар е во серија од три меча без пораз, од кој извојува две победи. Сепак, едната е онаа против нисколигашот Овче Поле во купот, а претходно беше извлечен бод против тимот на Тиквеш во Кавадарци.
