Ѕвездениот Интер Мајами ремизираше 2-2 дома против Сан Диего во натпревар од регуларната сезона во МЛС. Двата изгубени бода ги спречија да го вратат второто место во Источната конференција, каде што моментално се наоѓа Њу Ингланд Револушн. Двата тима имаат ист број бодови, но Њу Ингланд има подобра гол-разлика. Нешвил е лидер.
Натпреварот не започна на најдобар начин за Мајами, противникот поведе со 0-1, но следеше одговор во 23-тата минута. Лионел Меси експлодираше со уште еден гол во розовиот дрес. Така, светскиот шампион на Светското првенство во Катар 2022 година со Аргентина веќе има вкупно 20 гола и 11 асистенции.
Во 75-тата минута, Луис Суарез приреди целосен пресврт. Уругвајскиот голгетер постигна 13 голови во американското првенство досега оваа кампања, а има и 3 асистенции.
Сепак, овој пат домаќините беа тие што не можеа да го задржат водството и кратко пред крајот на регуларното време во 82-тата минута, Андерс Драјер го постигна својот втор гол за вечерта, обликувајќи го конечниот резултат.
