Еден од најстарите и најпознати фудбалски колективи од Струмица, а со самото тоа и од Македонија, ФК Тиверија ги доживува најтешките моменти во своето постоење.
Овој фудбалски бисер, како што јавуваат локалните медиуми од Струмица е исфрлен и од третолигашката конкуренција сезонава. Поточно, Тиверија е официјално исфрлена од Трета лига, Регион 3, поради тоа што не одиграла два меча.
Струмичката јавност е во шок, коментарите се полни со прекор кон надлежните зошто се случило ова.
Едноставно, еден од клубовите во кои поникнале многу струмички фудбалски легенди е пред гаснење и прашање е кога и дали некогаш повторно ќе се натпреварува во некое сериозно фудбалско државно натпреварување.
