Во првиот меч од 10.коло, денеска на Чаир со почеток од 12 часот, Струга ТЛ ќе му гостува на составот на Шкендија (А). Ова е и прв меч од вториот круг во тековната сезона. Да потсетиме дека на во првото коло Струга ТЛ дома славеше со 3:0 со дебитантот во ПМФЛ.
По поразот во Куманово минатото коло, сите во таборота на стружани се свесни дека овој меч со Шкендија (А) е од големо значење.
Свој коментар има Бесмир Бојку, клучниот играч на стружани:
“Очекуваме тежок натпревар, бидејќи Шкендија (А) е квалитетен противник, а ние играме и на гостински терен. Сепак, ќе влеземе на теренот максимално подготвени и мотивирани, со цел да дадеме се од себе и да извлечеме позитивен резултат. Мора да бидеме компактни во одбраната, да ги искористиме можностите што се појавуваат и да се бориме за секоја топка во текот на целиот натпревар.“
Бојку вели дека верува во позитивен резултат:
„Секако дека веруваме. Поразот од Башкими ни послужи како лекција и свесни сме дека мора да реагираме. Имаме тим со карактер и квалитет, па затоа утре ќе го дадеме својот максимум за да покажеме поинакво лице на теренот. Се надеваме дека со посветеност, дисциплина и соработка можеме да постигнеме позитивен резултат утре против Шкендија Арачиново“заврши Бојку.
