Шок за сите во Барселона по победата на гости кај Бетис со 5-2 во Севиља во саботата навечер. Но, по големата победа, се каталонците се соочија со неочекуван проблем. Поради лошите временски услови во Каталонија, планираниот повратен лет беше откажан, па тимот на Ханси Флик мораше да помине дополнителна ноќ во Севиља.
По победата над Бетис, Каталонците требаше да се вратат дома и да ги започнат подготовките за важниот дуел од Лигата на шампионите против Пари Сен Жермен. Сепак, временските услови им ги нарушија плановите. Летот прво беше одложен за повеќе од два часа, а потоа откажан.
Барселона потврди дека тимот преноќил во Севиља поради бурата. Играчите се вратија во хотелот каде што престојуваа пред натпреварот, а тренерот Флик мораше да го прилагоди својот работен распоред за недела. Барселона требаше да се врати во Каталонија во недела, по што требаше да ги продолжи подготовките за гостувањето против ПСЖ во Лигата на шампионите. Натпреварот во Париз се игра во вторник во 21 часот, а каталонскиот тим треба да го одржи последниот тренинг пред европскиот тест во понеделник. Проблемите со патувањето дојдоа во незгодно време за тимот на Флик, кој е во одлична форма. Победата над Бетис е деветта за Барселона во лигата и 11-та вкупно. Ламине Јамал повторно беше брилијантен во Севиља, а Барселона го задржа својот совршен настап во Ла Лига со три бода повеќе.
По натпреварот со ПСЖ, Каталонците се соочуваат со уште еден голем предизвик. Првото Ел Класико во сезоната е закажано за следниот викенд, кога Барселона ќе го пречека Реал на Камп Ноу. Затоа ќе биде особено важно за Флик тимот да успее да го надомести изгубеното време и да биде подготвен за два големи теста за неколку дена.
