Новата сезона во „Шпаркасе Лајф“ Прва лига – жени стаартуваше, денеска на програмата се две средби. Бадел 1862 е гостин на Пробаскет (14:30 часот), додека пак Гевгелија е домаќин на Патриот (14 часот).
Предводникот на баделки, Дарко Димитријевиќ, кој лани направи вистински подвиг со својот тим ги сподели своите очекувања.
„Очекувам тешка и изедначена сезона, бидејќи минатата покажа дека секој може да победи секого. Нашиот најголем предизвик ќе биде да го искористиме искуството од минатата сезона, да бидеме поконстантни и со максимален пристап да останеме во самиот врв.
Бадел секогаш мора да има највисоки амбиции. Целта е борба за титулата. Го задржавме костурот од минатата сезона и дополнително се засиливме со Сандра Лазаревска. Дали ќе стигнеме до титулата ќе покаже теренот. но ќе сториме сè за да го направиме тој чекор повеќе“.
Задоволен сум што имаме континуитет и што играчите веќе го знаат системот. Заминувањето на Ива Чолаковска е тешко да се надополни. Но со Сандра добивме искуство и поголема ротација. Ќе се потпреме на тимската игра, хемијата, довербата и максималната посветеност“, изјави Димитријевиќ.
