Иконата на Арсенал и некогашен легендарен репрезентативец на Франција,Тјери Анри, ќе биде еден од водителите на церемонијата за доделување на „Златната топка“, официјално објавија организаторите.
Настанот ќе се одржи на 26 октомври во Лондон, а Кејт Скот ќе биде водител заедно со Анри.
Анри и Скот се колеги и работат заедно во спортската емисија „Голазо“ на CBS. Таму им се придружуваат Џејми Карагер и Мика Ричардс.
Француската легенда го наследува Руд Гулит, кој беше водител заедно со Скот во 2025 година.
„Лондон е мојот дом. Имам длабока врска со овој град, со неговата фудбалска култура, со неговите страсни навивачи. Се оформува како исклучителна вечер и ќе ги собере најголемите фудбалски таленти“, рече Анри.
Please welcome Kate Scott & Thierry Henry, our 2026 Ballon d’Or masters of ceremonies! We’re already looking forward to seeing them share the stage next Monday in London! 🌕
Find more here: https://t.co/ODxSNKeuDj
#ballondor https://t.co/oOloDh2yT4
— Ballon d’Or (@ballondor) October 19, 2026
Инаку се шпекулираше со тоа дека Лео Меси ќе биде еден од водителите, ама по се изгледа дека ништо од тоа. Можеби поради тоа што Лео покрај Јамал, Кејн и Мбапе е еден од оние кои се во најтесниот круг за добивање на најпрестижната индивидуална фудбалска награда во светот.
