По цели 526 дена надвор од терените, швеѓанецот со македонско потекло Дејан Кулушевски синоќа се најде во тимот за својата екипа Тотенхем во дуелот со Ковентри и одигра неколку минути на крајот од мечот.
Пречекан со овации од страна на публиката, Кулушевски беше дел од победата на својот тим која што сезонава толку многу беше чекана од страна на сите.
Повредата на коленото за Кулушевски конечно е минато, а пројдоа речиси две години од операцијата и рехабилитацијата.
„Имаше моменти кога мислев дека тоа никогаш нема да се случи. Беше исклучително тешко, но никогаш не се откажав. Едноставно продолжував да работам секој ден, не знаејќи кога ќе можам да се вратам“, – изјави Кулушевски по мечот.
Од Тотенхем потенцираа дека враќањето на Кулушевски е сериозно добар момент за тешката ситуација на играчки и резултатски план.
