Македонскиот одбојкарски шамион Штип УГД веднаш по враќањето од Холандија и првиот натпревар со Орион Старс во Лигата на шамионите, ги започна подготовките за реванш пресметката. В среда во салата „Џексон“ во Штип, нашиот првак ќе гоодигра реванш натпреварот на кој се надева на далеку подобро издание од она во Холандија.
„Поразени сме со 3:0, но знам дека можевме и заслуживме повеќе. На реваншот сигурно ќе покажеме друго лице и со голема поддршка од трибините ќе одиме на многу подобар резултат. Не велам дека е реално да очекуваме победа, но ако не веруваме, нема зошто и да играме. Затоа на реваншот влегуваме со верба во нашиот квалитет“, вели тренерот на штипјани, Кристиан Ристески.
Орион Старс ја искористи предноста на домашниот терен и дојде до убедлива предност пред реваншот, но Штип живее за одбојката и верува во можноста за квалитетен европски дуел.
„Се надевам дека трибините ќе бидат полни. На домашен терен пред 1500 наши навивачи ќе биде поинаку“, дополнува Ристески.
