Фудбалерите на Борусија го победија тимот на Ајнтрахт од Франкфурт во Дортмунд со резултат 1:0 во натпреварот од седмото коло на германската Бундеслига.
Екипата на Нико Ковач се врати на победничкиот колосек по двата нерешени резултати во првенството, а најзаслужен за тоа беше резервистот Максимилијан Баер, кој го реши победникот во 80-тата минута од натпреварот.
Германскиот репрезентативец ја прими топката на работ од шеснаесетникот и од вториот допир упати неодбранлив удар во далечниот агол од голот кој го чуваше Атубола. По вечерашната победа, Дортмунд ја зазема првата позиција на табелата во германското првенство со 17 бода, три бода повеќе со натпревар помалку од Баерн Минхен. Ајнтрахт е 13-ти со осум бода.
