Очекувано сценарио од СЦ „Билјанини Извори“. ГРК Охрид дојде до втора убедлива победа во пресметките со Спорт Тото, овој пат условно кажано како гостинска екипа славеше со 22-38 (14-16). Актуелниот првак на ЕХФ Европскиот Куп на овој начин го потврди своето место во третото коло.
Противникот беше рамноправен само на почетокот на натпреварот кога имаше и водство, најголемото беше четири гола разлика (11-7 и 12-8), но сликата на теренот брзо се промени. ГРК Охрид за кратко време покажа зошто е огромен фаворит на оваа пресметка. На одморот замина со позитива од 14-16, а потоа во следните 30. минути имаше рутинска задача.
Ѓукиќ и Ивановски со по шест погодоци беа први стрелец, зад нив беа Карапалевски и Савревски со по четири гола.
