Женската кадетска ракометна репрезентација на Македонија забележа значајна победа над домаќинот Грција со 24:23, во вториот натпревар од првиот турнир во Регионалната лига У16.
Младите македонски ракометарки со триумфот над Грција го завршија настапот на првиот турнир со два освоени бода, откако вчера во првиот натпревар беа поразени од селекцијата на Турција со 30:26.
По вчерашниот неуспех против Турчинките, македонските кадетки успеаја да одговорат со добра игра и да стигнат до победа во дуелот со домаќинот, со што го заокружија првиот турнир во Регионалната лига У16 со позитивен резултат.
