Кошаркарите на Лос Анџелес Лејкерс продолжија со добрите игри во НБА лигата и го забележаа својот седми последователен триумф совладувајќи го Милвоки со 123:112, но големата прослава во Градот на Ангелите ја расипа повредата на Лука Дончиќ на самиот крај од натпреварот. Со овој триумф, Лејкерси стигнаа до најдобриот настап во целата лига (11-2), додека Бакс ја продлабочија својата агонија со осмиот последователен пораз и сега се на резултат 1-11. Сепак, по натпреварот, никој во таборот на Лејкерси не размислуваше за табелата, туку само за здравјето на нивните главни ѕвезди. Сè отиде во предност на домашниот тим: Лејкерси имаа убедливи 111:90 само четири минути и 25 секунди до крајот на играта, а потоа во салата владееше тишина. Лука Дончиќ погоди тројка, но при доскокот несмасно згази на ногата на Кајл Кузма и му го извитка десниот глужд. Словенецот, и покрај болката, стисна заби и остана на паркетот за да изведе дополнително слободно фрлање, по што веднаш отиде директно во соблекувалната. До тој момент, Дончиќ одигра уште еден натпревар за МВП: за 32 минути на паркетот, запиша 32 поени, пет скока и пет асистенции.
Luka Doncic appeared to injure his ankle on this and-one bucket after a foul by Kyle Kuzma.
He stayed in to attempt the free throw before heading to the locker room. https://t.co/VeXqGryrEw
— ESPN (@espn) November 12, 2026
