Одбојкарите на Струмица доживеаја пораз од 0:3 во сетови од финскиот Форд Леворанта Састамала и во вториот натпревар од првата рунда на ЦЕВ Челинџ купот 2027.
Гостите славеа во салата „Парк“ во Струмица со 25:23, 25:20 и 25:16, за само 72 минути игра, со што го потврдија пласманот во следната рунда.
Струмичани најголем отпор пружија во првиот сет, во кој имаа неизвесна завршница, но Финците беа посигурни во клучните моменти. Во вториот сет гостите ја презедоа контролата, додека во третиот целосно доминираа и не му оставија многу простор на домашниот состав.
Форд Леворанта имаше 54 поени од напад, наспроти 48 на Струмица, а беше подобар и на сервис со 23 директни поени и грешки во однос на домашните 15 асови. Финците имаа и 28 поени од блок, наспроти 23 на Струмица.
Најефикасен во редовите на Струмица беше Тејлор Трип со 20 освоени поени, додека Кристијан Илиев заврши со 14. Кај гостите се истакна Роланд Џексон Флорес со 16 поени.










