Јокиќ повторно режираше пресврт, заврши серија на Дончиќ и Лејкерс (ВИДЕО)

0
фото: Denver Nuggets (X)
Денвер Нагетс славеа над Бостон Селтикс со 105:101 по голем пресврт. На домашен терен, Денвер успеа да надополни негатива од 17 поени и да стигне до значајна победа против еден од најдобрите тимови во НБА-лигата.

 

Најдобар поединец во победничкиот состав беше Никола Јокиќ, кој натпреварот го заврши со 24 поени, осум скока и девет асистенции. Српскиот центар имаше 9/17 реализација од поле, а забележа и една блокада.

Важна улога во завршницата имаше и Џамал Мареј, кој средбата ја заврши со 21 поен, седум скока и четири украдени топки. Демар Дерозан додаде 18 поени, а особено се истакна во последната четвртина. Кај Бостон, Џејсон Тејтум беше најефикасен со 24 поени и осум скока, додека Немејас Кета постигна 17 поени и имаше десет скока.

Денвер се врати од негатива од 17 поени

Бостон одлично го отвори натпреварот и веднаш поведе со 8:0. Гостите ја добија првата четвртина со 30:24, а во втората дополнително ја зголемија предноста. Во еден момент имаа дури 17 поени позитива и водеа со 61:44, па се чинеше дека целосно ја контролираат средбата.

Сепак, Денвер успеа да се врати во игра. Домашниот тим до крајот на првото полувреме почна да ја намалува негативата, а во продолжението целосно го сврте резултатот. Неколку минути по почетокот на третата четвртина, Нагетс поведоа со 69:67, а во последните 12 минути влегоа со израмнети 80:80.

Во завршницата се водеше голема битка. Дерозан ја презеде одговорноста во нападот и со неколку важни поени му донесе предност на Денвер. Откако Бостон не ја искористи можноста за израмнување, Мареј шест секунди пред крајот погоди за два поени и ја зголеми предноста на Нагетс на три поени.

Мареј презеде одговорност кога беше најважно, Јокиќ испиша историја

Бостон имаше уште една можност да се врати, но Тејтум доби техничка грешка, а Мареј го реализираше дополнителното слободно фрлање за конечни 105:101.

Оваа победа е особено важна за Денвер по поразот од Феникс пред два дена. Нагетс сега имаат биланс од осум победи и пет порази и се наоѓаат на седмото место во Западната конференција, додека Бостон со 11 победи и четири порази е втор на Истокот.

Јокиќ, во меѓувреме, оствари и посебен индивидуален подвиг. Тој стана вториот кошаркар во историјата на Денвер кој постигнал најмалку 7.000 погодени шутеви од поле. Пред него тоа му успеало само на Алекс Инглиш, клупската легенда и рекордер со речиси 9.000 погодени шутеви.

Серијата на ЛА Лејкерс заврши и тоа на домашен терен каде овој тим беше поразен од Јута со 97-109. Лука Дончиќ повторно пружи пообична партија, имаше 29 поени.

НБА – РЕЗУЛТАТИ

Кливленд – Мемфис 121:124

Индијана – Хјустон 104:119

Мајами – Милвоки 137:130

Орландо – Филаделфија 116:121

Бруклин – Чикаго 107:137

Торонто – Вашингтон 99:103

Далас – Голден Стејт 116:94

Њу Орлеанс – Детроит 109:122

Оклахома – Атланта 112:117

Денвер – Бостон 105:101

ЛА Лејкерс – Јута 97:109

Сакраменто – Феникс 107:128

ПретходноШест европски клуба во трка за наградата „Клуб на 2026 година“